القائمة الأقباط اليوم أبحث
أهم الأخبار

بص على رجليك المغسولة

بص على رجليك المغسولة
مرقس كمال زاخر - أقباط متحدون
| 04 مايو 2021
بقلم مرقس كمال زاخريا صاحبى الغالى ربنا عارف ومقدر كل تعبك فى الخدمة وتعبك واحتمالك لحد بحُب وعشان هو عارف انك هتتعب وطّى وغسل لك رجليك الأول

عارف بقى لما تغمض عنيك وتتخيل المنظر ده هتبكى من الفرحة وهتعرف قيمتك عنده وتعرف ازاى بيغرقك حُب وهتلاقى نفسك بتقوله يارب مستاهلش أبداً

عشان كده يا صاحبى كل ما تتعب فى خدمتك لحد هتبص على رجلك المغسولة وانا واثق انك هتفرح وتتعزى وتحس وانت فى عز تعبك انك مش تعبان خالص وهتزود خدمتك اكتر واكتر بحب وفرح

والجميل ان غسيل الرجلين ده المسيح غسل بيه ارجل البشرية كلها وكأنه بيشيل الشوك والحسك اللى ادم وكل البشرية من بعده بتعانى منه بسبب السقوط

المسيح بيغسل رجلين البشرية عشان يصلح اللى احنا بنبوظه

يابختك بمسيحك ويابختك اكتر لو بقيت شبهه وغسلت رجلين الكل بفرح
×