إيناس الدغيدي، قالت المخرجة إيناس الدغيدي: "أنا اتجوزت اللي حبيته وعشنا مع بعض قصة حب 9 سنين قبل الزواج وتحديت الدين والمجتمع وأهلي واتجوزت اللي أنا عايزاه وهو كان مسيحي وأسلم".
ديانة زوج إيناس الدغيدي
وأضافت خلال لقائها ببرنامج "أسرار" الذي تقدمه الإعلامية أميرة بدر بقناة "النهار": "أهلي ما كانوش موافقين على زوجي علشان ديانته، ووالدي كان أستاذ لغة عربية وتربية إسلامية ورفض يقابل زوجي لأنه قال أنا مش هقابله، ووالدي مات بعد ما اتجوزت بسنة".
رفض والد إيناس الدغيدي زواجها
وتابعت: "أبويا ما كانش متضايق وقال أنا موافق على الجواز بس ما حبش يقابل جوزي، وأنا ما عملتش فرح علمنا الفرح في البيت بتاعي اللي كنت قاعدة فيه لوحدي وهما كانوا متقبلين إني بحوش وببني نفسي وأنا شخصية ربنا خلقها عكس الناس وبحب أكون مستقلة وكل إخواتي يبقوا في حتة وأنا في حتة تانية وما كنتش ماشية بطقوس عيلتي".
أشقاء إيناس الدغيدي
ولفتت إيناس الدغيدي: "أنا ليَّ 7 أخوات وأنا الوحيدة اللي طلعت دماغ مختلفة بس علاقتي بيهم دلوقتِ حلوة، وأبويا توفي راضي عني ولما بقيت مخرجة كان بيقول أنا اللي شجعتها ودي الحقيقة ودعمني أدخل معهد السينما".
