قال حمادة عيد، فرد أمن بأحد محلات السوبر ماركت الشهيرة، زوج «زيزي» ضحية جريمة الهرم التي قٌتلت على يد مالك محل أدوات بيطرية مع أولادها الثلاثة، أمام جهات التحقيق، إنه تلقى
اتصالًا من رقم غريب يوم 15 سبتمبر 2025، أخبره خلالها المتصل بأن زوجته «بتخونه مع رجالة كتير من جيرانها ومعاه في الشغل»، مضيفًا في الجزء الثالث من أقواله التي حصلت «المصري اليوم»
على نسخة منها، أن المتصل أدلى بمواصفات دقيقة تخصها، رغم كونها منتقبة، وهو ما جعله يدخل في حالة شك وجنون، حسب وصفه، فبادر بتحرير محضر في شرطة الاتصالات برقم 15712 لسنة 2025 إداري الهرم.
نص أقوال زوج ضحية جريمة الهرم
«الأم سابت البيت ومعاها العيال».. القصة الكاملة لجريمة الهرم كما وردت في محضر المباحث (خاص)
وأوضح أنه حاول التواصل مع صاحب الرقم مرات عدة لكن هاتفه كان مغلقًا، وأنه واجه زوجته وشقيقها غير الشقيق «إسلام» في اليوم نفسه بعد المكالمة.. وإلى نص أقواله:
أقوال والد ضحايا جريمة الهرم الثلاثة
«كل ما أحاول أقرب من مراتي ترفضني».. نص أقوال والد ضحايا جريمة الهرم (خاص)
س: ومن الشخص الذي هاتفك وأخبرك بوقائع خيانة زوجتك لك؟
ج: هو رقم غريب (...) وأنا معرفش مين دا.
س: متى هاتفك ذلك الشخص؟
ج: كلمني يوم 2025/9/15، وهو كلمني اليوم دا بس، ومتكلمناش تاني بعديها، وأنا حاولت أكلمه كتير بعدها بس موبايله مغلق.
س: وما مضمون الحوار الذي دار بينك وبين ذلك الشخص بذلك الاتصال الهاتفي؟
ج: هو قاللي إن مراتي (...)، وإنها بتخوني (...) كتير من جيراني ومعايا في الشغل، وقاللي مواصفات عن مراتي أنا معرفش هو عرفها إزاي، وقاللي إني أطلقها عشان هي مش عايزاني.
«مراتي رفضت ترجع لي.. وسابت البيت 3 مرات ومارجعتش».. نص أقوال والد ضحايا جريمة الهرم (خاص)
س: ما المواصفات التي أدلى لك بها ذلك الشخص التي تخص زوجتك؟
ج: قاللي إن مراتي (.....) إن شعرها قصير وأسود بس أطرافه بني.
س: وهل تلك المعلومات صحيحة وخاصة بزوجتك؟
ج: أيوه، كل المعلومات دي صحيحة، ودا جنني عشان أنا أصلًا مراتي منتقبة.
س: وما أثر ذلك الاتصال الهاتفي عليك؟
ج: أنا ساعتها اتجننت وابتديت أشك إن مراتي بتعمل كده معايا عشان فيه راجل تاني في حياتها، وروحت كلمت أخوها، وعملت محضر في شرطة الاتصالات.
س: ما الرقم القضائي الخاص بذلك المحضر؟
ج: 15712 لسنة 2025 إداري الهرم.
القصة الكاملة لجريمة الهرم.. الزوج يروي مأساة «زيزي» وأولادها والمحامي يكشف تفاصيل انتقام المتهم
س: وما الذي آل إليه ذلك المحضر؟
ج: معرفش.
س: وهل واجهت زوجتك بذلك الاتصال الهاتفي؟
ج: أيوه، وواجهت أخوها «إسلام» كمان قبل ما أواجه مراتي.
س: متى واجهت المدعو/ إسلام؟
ج: في نفس اليوم اللي الرقم دا كلمني فيه، اللي هو 2025/9/15.
تفاصيل جديدة من صديق المتهم في «جريمة فيصل».. صلاة ونسكافيه بعد المأساة (فيديو)
س: ما البيانات الشخصية الكاملة للمدعو إسلام؟
ج: أنا اللي اعرفه اسمه «إسلام.خ»- 27 سنة- وهو أخوها من أمها بس، واللي اعرفه إنه شغال في مطعم ومحل موبايلات بس معرفش أماكنهم فين، وهو عايش في شبرا الخيمة مع أمه.
