رد المخرج مازن المتجول مخرج حفل افتتاح المتحف المصري الكبير على الانتقادات التي طالته بعد انتهاء حفل الافتتاح، مشيرًا إلى أنه لم يكن مسؤول عن الإخراج التلفزيوني.
وقال مازن المتجول في تصريح خاص لـ"بصراحة": الناس بتتكلم على الاخراج التلفزيوني أنا مليش علاقة أنا مسؤول عن إخراج اللايف قدام الناس الرؤوساء والملوك وده كنت مسؤول عنه أنا وأحمد المرسي والتصوير برا مصر أنا صورت برا مصر وتصوير حاجات في المتحف وكل اللايف والمشاهدين اللي كانوا قاعدين في مصر ده كان دوري.
وأضاف: الجزء اللي حصل مش موجه لينا ووارد يكون في حاجة حصلت بسيطة بس متستدعيش كل اللي حصل ده دي حاجات بسيطة جدا بصوا لنص الكوباية المليان بلاش الفاضي النص المليان عندنا كان كويس.
وعن ردود الفعل قال مازن: مبسوط من رد الفعل ومكنتش متوقع النجاح الكبير ده لاننا بقالنا سنة شغالين ومكنتش عارف اللي بنعمله ده حلو ولا وحش الحمد لله حتى الموميات كان برده نفس الكلام مكناش متوقعين وقتها برده، بشكر كل الناس أنا كنت جزء صغير من الموضوع وبشكر كل اللي شاركوا معانا من أصغر حد لأكبر شخص.
