قرأ القس جورجيوس القمص فيلبس، كاهن كنيسة الشهيد مار جرجس بمدينة العاشر من رمضان، سؤالا عرضته سيدة طالبت فيه النصيحة والحل لمشكلتها.
وجاء في السؤال:"لدي صديقة كانت أشبه بأخت لي، كنت آخذ برأيها في أمور تخص بيتي وأولادي، لكن حدثت مشكلة بين أولادنا، بعدها هذه الصديقة أخبرت زوجي بكل شيء كنت أؤتمنها عليه، ما هو الحل الآن؟ بعد ان تسببت في خراب بيتي ؟.
وقال القس جورجيوس خلال اجتماع كنسي :" خد من الصحاب من الألف واحد تاخد صديقك، ما فيش حاجة اسمها واحدة أنا قابلتها وقعدت معاها استنينا العيال بره المدرسة فقعد أحكي لها الأسرار، بيقول لك كده ما تقولش سرك لغيرك لأن هو ليه غيرك.
وتابع :"يعني إيه انت لما تقول سرك لغيرك اللي هتقول له ده هو نفسه ليه غيرك يعني هيروح لغيرك ويحكي.
كما نصح :"فما تقولش سرك لغيرك لأن هو ليه غيرك، فخلي مبدئين في حياتك، المبدأ الأولاني إن انت ودي موجودة في الكتاب المقدس، إن لو انت عندك 1000 واحد، اختار منه صديق واحد من الألف عشان ما حدش يوشي هذا السر ويتعبك ويقول لك كلام غلط.
مضيفا :"لكن صديقتك دي ما تخشيش في عداوة معاها، يكفي إن احنا نتعلم من غلطنا، ويكفي إن احنا خدنا درس، يعني لازم انت تاخدي خطوة لورا من غير ما تكرهيها وتصلي لها إن ربنا يديها أمانة في حياتها.
