تصدر طبيب نساء وتوليد، بمحافظة الجيزة تريند مواقع التواصل الاجتماعي خلال الساعات القليلة الماضية، بعد ظهوره في فيديو يرقص بـ طفل حديث الولادة على أغاني مهرجانات وهو جالس فوق سرير الولادة، ما أثار ردود فعل غاضبة عبر منصات التواصل الاجتماعي ومطالب بالتحقيق معه وهو مادفع نقابة الأطباء المصرية لإعلان استدعاءه للتحقيق أمام لجنة آداب المهنة بالنقابة.
أول تعليق من طبيب النساء والتوليد بعد إعلان نقابة الأطباء استدعاءه بسبب رقصه بـ مولود
وقال طبيب أمراض النساء والتوليد في تصريحات خاصة لـ القاهرة 24: معرفش حاجة عن استدعاء نقابة الأطباء وأنا دلوقتي شغال في عيادتي ومفيش أي مشكلة حصلت لي، والأب والأم أهل المولود الفيديو عجبهم ومحدش منهم تواصل بخصوص أي مشكلة.
وتابع: الفيديو اللي أنا طلعته من على صفحتي وكنت برقص فيه مفيهوش أي حاجة خارجة أو شاذة فيديو طبيعي ومش مستاهل كل الضجة اللي حصلت عليه، وهو اليوم كان جميل وكنا كلنا مبسوطين علشان السيدة دي بقالها كتير بتحاول تخلف ومكنتش عارفة فكنا مبسوطين باليوم والأب والأسرة كانوا موجودين كلهم.
وأردف: الفيديو متصور بموافقة الأب وهو كان طالبه وكان حاضر التصوير، والفيديو لطيف ومحترم ومفيهوش أي تجاوز والأم مظهرتش ولا فيه أي مشكلة، أنا مش عارف إيه سبب الهجوم.
