أعلن رجل الأعمال المهندس نجيب ساويرس، عن أمنيته وعزمه في إنشاء مصيف في محافظة سوهاج بصعيد مصر.
البداية كانت، بتغريدة لـ ساويرس عن الساحل الشمالي وقرب انتهاء إجازته وعودته للقاهرة، إذ كتب: ابتديت رحلة الزعل أن الإجازة قربت تخلص وهسيب ساحلنا الجميل ده.. اللي لا شرير ولاحاجة.. جميل في بحره الأزرق الشفاف ورملته البيضة مش موجودة ولا الجمال ده موجود في العالم كله ارجع للشغل والضوضاء والمشاكل وهموم الوطن. لكن الحمد لله على نعمته لنا
وعلق أحد متابعي رجل الأعمال عبر منصة إكس: مش ناوى تعملنا مصيف في سوهاج. البلد الوحيدة اللى لما ارجعلها معرفش أعمل إيه فيها. لا فيها مكان حلو للخروج، ولا فيها شغل، حتى الجو حر هناك. اعملها أي حاجة يا عم دى بلدك برضه.
ورد ساويرس، بإعلان عزمه إنشاء مصيف في صعيد مصر، وتحديدا في محافطة سوهاج، مسقط رأسه، إذ كتب في تعليق مقتضب: نفسي وناوي.
