استغاثت أسرة طالب بالثانوية العامة يدعى أبانوب، بعدما تعرض لـ حادث دهس على يد طبيبة كانت تقود سيارتها بسرعة جنونية في منطقة التجمع الخامس، ما أسفر عن إصابته بإصابات بالغة تهدد حياته.
طبيبة تدهس طالب ثانوي في التجمع الخامس
وقالت والدة أبانوب، إن نجلها كان خارجًا لشراء بعض طلبات المنزل، وأثناء مساعدته لصديقه في حمل كرتونة، فوجئ بسيارة مسرعة تصدم شابين ثم اتجهت نحوه ودهسته بقوة.
وأضافت باكية: ابني اتكسر من كل حتة، حالته مش مستقرة، وخضع لعمليات جراحية كتير.. حالته خطرة، ومش قادرين يعملوا له العملية اللي محتاجها علشان حرارته مرتفعة جدًا.
وأردفت الأم المنهارة: ما عنديش غيره، خلفته بعد 13 سنة، وهي ضيعتلي ابني الوحيد، منها لله، ده كان شايلني وبيخدمني لأني مش قادرة أتحرك.
وأستطردت والدة أبانوب: المتهمة ضيعتلي ابني الوحيد منها لله، أنا مليش غيره هو اللي كان شايلني وبيخدمني لأني مبقدرش أتحرك.
الأسرة تطالب بسرعة التحقيق في الواقعة ومحاسبة الطبيبة المتسببة في الحادث، خصوصا أن حالة أبانوب الصحية حرجة وتستدعي التدخل العاجل.
