وافق البرلمان على شرط الحصول على نسبة 70% فى مادة الدين للنجاح.
وفي هذا الصدد قال النائب فريد البياضي، عضو مجلس النواب نائب رئيس الحزب المصري الديمقراطي الاجتماعي، خلال حلوله ضيفا على برنامج "تحت الشمس"، تقديم الإعلامي أحمد سالم على قناة الشمس :" أنا أحب دراسة الدين.
لافتا :"وحبي له لم يكن عن طريق المدرسة، بل من التربية والقدوة التي رأيتها، مشددا :"الدين لا يجب ان يحدد بالدرجات.
وتابع :"ما ينفعش أحط للدين 70% نسبة نجاح، طب هتساوي إزاي ما بين الأديان المختلفة؟! .
مشيرا :" خلوا 70% نسبة النجاح، ومافيش مادة في الدنيا بتبقى 70% نسبة النجاح، دي حاجة صعبة.
لافتا :"ما أنا عشان أنجح بـ70% في الدين يا هآخد درس في الدين يا هغش، هو إنت عايز الناس تغش؟ طب فين الدين بقى لما نغش في الدين؟!.
وواصل :" إنت عايز الناس تحب الدين، والناس هتحب الدين لما تشوف تربية، لما تشوف قدوة، لما تحب، مش لما تجبرها إنها تجيب 70% عشان تنجح.
