تحدث النائب فريد البياضي، عضو مجلس النواب نائب رئيس الحزب المصري الديمقراطي الاجتماعي، على سلبيات قانون التعليم الجديد.
وقال خلال حلوله ضيفا على برنامج "تحت الشمس"، تقديم الإعلامي أحمد سالم على قناة الشمس:"احنا كنا بنسمع أخبار عن إن في قانون جديد،في بكالوريا والوزير نزل معلومات ونسمع حاجات ويقولوا لا دي مش نهائية.
وتابع :"القانون دخل رسميا البرلمان في أقل من أسبوع وما نزلش الجلسة العامة، فوجئنا بيه نازل جلسة عامة،يعني ما كانش في جدول الأعمال،بل نزل ملحق وإحنا قاعدين الصبح، القانون نزل هوب، خلص قانون التعليم.
وواصل :"ده مش منطقي، التعليم مشروع وطن ومينفعش يتسلق في أسبوع، ، ده كان لازم ياخد وقت في المناقشة.
لافتا :"والقانون فيه حاجات إيجابية وفيه حاجات سلبية، وكان نفسي يتوافق عليه لو كنا أخدنا وقت ودرسناه واتكلمنا فيه.
موضحا :"إحنا اعترضنا عليه الحزب المصري الديمقراطي الاجتماعي من حيث المبدأ مبدئيا لأنه ما ينفعش قانون يتناقش بالسرعة دي.
