هاجم الإعلامي عمرو أديب، ياسر إبراهيم، مدافع النادي الأهلي، بسبب تنمره على النجم الأرجنتيني ليونيل ميسي خلال مباراة الأهلي وإنتر ميامي الأمريكي في كأس العالم للأندية 2025.
وقال أديب في تعليق خلال برنامجه «الحكاية» عبر قناة «MBC مصر»، مساء الجمعة: «اتضايقت جدًا من لاعب الأهلي اللي تنمر على ميسي، وقاله قصير، ده مش سلوك رياضي… طب انت يا طويل عملت إيه!؟».
وأضاف: «انت مش عارف ده مين، انت قدام حالة غير طبيعية، شيء خارق للعادة، من أنت إنك تشاور لميسي إنه قصير».
وتابع أديب: «عيب الرياضة سمو وعلو وأخلاق وأدب وفروسية، الأسامي دي مش حاجة بسيطة، دول لعبوا وجابوا أرقام هتقعد تلعب 100 سنة انت والنادي بتاعك مش هتعملوا ربع أرقامه، الاحترام أهم شيء».
