رد القس جوارجيوس القمص فيلبس، كاهن كنيسة الشهيد مار جرجس بمدينة العاشر من رمضان، على سؤال مفاده:"لماذا السيد المسيح بعد القيامة لم يظهر لكل الناس؟".
وقال خلال عظة :"أولًا، الخلاص لكل البشر، لكن الإيمان بالقيامة لابد أن يكون إيمانًا شخصيًا.
موضحا :" في فكرة أن الإنسان يجاهد، وأن الإنسان يكون في علاقة بينه وبين المسيح القائم، لأن في ناس شافت المعجزات اللي عند الصليب وما تأثروش.
كما أوضح :" وقت الصلب حصلت ظلمة عظيمة وزلزلة، طب الناس اللي آمنت بالمسيح فين؟ فممكن معجزة القيامة بتحصل وبرضه في ناس مش عايزة تؤمن.
لافتا :" فكأن ربنا خص القيامة للناس اللي عندها استعداد للإيمان بالمسيح القائم، إنه يتعامل معاهم، إنه هو المسيح القائم.
وتابع :" ولكن المسيح ما ظهرش بس للـ12 تلميذ، لكن ظهر لأعداد كتيرة، زي إنه ظهر لـ500 أخ، زي ما بولس الرسول قال.
لافتا :" فالمسيح في ظهوره ظهر لناس كتير، ولكن في حاجة، إن يكون في إيمان علشان يُعلن ليه القيامة، زي مثلا سبت النور كل سنة، في معجزة بتحصل، بس كام واحد بيؤمن بالمعجزة دي؟".
