صفاء جلال، قالت الفنانة صفاء جلال:"لما دخلت عالم السوشيال ميديا ملقتش نفسي لإن المحتوى بتاعي لا يجذب رواد السوشيال".
نجمة مصر الأولى
وأضافت خلال لقائها ببرنامج "من العلمين" المذاع على قناة "أون": "لو كانت السوشيال ميديا موجود في بدايتي كنت هبقى نجمة مصر الأولى".
وتابعت:"أي حد بيقدم محتوى أو فن على السوشيال ميديا يتحول بدوسة زرار لنجم، إنما زمان كنا بنحفر في الصخر".
خوف صفاء جلال من التريند
ولفتت إلى أنها بقت لما تروح أي حتة بتكون قلقانة خايفة اضحك بطريقة معينة أو أرقص أو أهيص لإني الكاميرات دلوقتي بتنتهك الخصوصيات، فيه ناس بتعشق التريند ولا بيفرق معاها الناس هتقول عليها إيه ولكن انا مش من النوعية دي".
مشكلة السوشيال ميديا
وتابعت:"السوشيال ميديا سلاح ذو حدين، على قد ما هي ممكن تطلع الشخص سابع سما على قد ما ممكن تخسف بيه الأرض".
غياب صفاء جلال عن السينما
من جانب اَخر أوضحت صفاء جلال:"مكنش ليا حظ في السينما، ومعملتش دور في أي فيلم انا مبسوطة بيه، ولكن في التليفزيون ليا أدوار مهمة انا فرحانة بيها".
