محمد ممدوح، كشف الفنان محمد ممدوح، قصة خسارته وزنه الزائد، وقال: "كنت أشرب 7 لترات من الماء بدون طعام لمدة 17 يومًا وخسرت 45 كيلو من وزني".
تحسن التنفس عند محمد ممدوح
وتابع خلال لقائه ببرنامج "بيج تايم بودكاست" الذي يقدمه عمرو أديب وأصالة بقناة "إم بي سي": "لما خسيت نفسي اتظبط وحاجات كتير عندي بقت كويسة".
اهتمام محمد ممدوح بخسارة الوزن بسبب التمثيل
وأضاف محمد ممدوح: "أنا ما بهتمش إني أخسر وزن إلا لما يكون مطلوب مني كدا في شغل أو شخصية معينة".
تشوه وجه محمد ممدوح بسبب حريق
ولفت: "أنا اشتغلت في قهوة كنت بقدم الشيش والقهوة وبعمل طلبات مشروبات، ومرة تعرضت لحريق الفرن ضرب في وشي مسك في وشي نار وقعدت شهرين معتقد إن وشي مش هيتصلح تاني ووشي كان مشوه وكنت باكل الأكل بهرسه وأشرب بشفاطة علشان مش قادر افتح بوقي".
وأردف: "تعرضت للحريق في سنة 2002 وأنا بمثل من سنة 1997، وكنت بفتح مشروع أكل وأول مشروع للافتتاح والفرن ضرب في وشي وكان يوم منيل بنيلة وحسيت إن كده مش هكمل تمثيل تاني".
عمل محمد ممدوح في سينما ميامي
ولفت: "اشتغلت في سينما ميامي كنت بقعد الناس ببطارية علشان أصرف على نفسي خاصة إني كنت بمثل تمثيل هواة".
