علق المفكر والطبيب خالد منتصر، على تصريح فضيلة الإمام الأكبر الدكتور أحمد الطيب شيخ الأزهر، بان انتصارات أكتوبر أعز الله بها العرب والمسلمين وأيدهم فيها بنصره.
وكتب منتصر عبر صفحته على فيسبوك : هل ماينفعش فضيلتك نقول انتصارات أعز بها المصريين؟؟؟ ، أجمل حاجة في الانتصار ان اللي عملوه وحققوه مصريين بغض النظر عن دينهم ولون بشرتهم، والدم اللي سال ماكانش مرسوم عليه هلال وصليب.
واضاف :" كان دم مصري ورصاص العدو ماكنش بيسأل وهو بيرشق في صدور جنودنا وأبطالنا ،انت مسلم ولا مسيحي.
مشددا : نصر أكتوبر عليه بصمات أحمد اسماعيل والجمسي والشاذلي اللي كانوا بيصلوا في الجامع ، وعليه بصمات فؤاد عزيز غالي وباقي زكي يوسف اللي كانوا بيصلوا في الكنيسة.
واختص منتصر شيخ الازهر :" ونظرة من فضيلتك على الأسماء اللي في قائمة شهداء الأطباء اللي ضحوا بحياتهم في حرب أكتوبر ، حتعرف بعدها ان النصر كان مصري وطني بامتياز ، وعمره ماكان انتصار ديني. ويحتفل الشعب المصري بالذكرى الـ49 لانتصارات أكتوبر المجيدة.
