القائمة الأقباط اليوم أبحث
أهم الأخبار

فيديو.. فتاة تتهم ممرض بالتحرش بها داخل مستشفى شهير : الكاميرات رصدت تفاصيل هامة وعايزة حقي

فيديو.. فتاة تتهم ممرض بالتحرش بها داخل مستشفى شهير : الكاميرات رصدت تفاصيل هامة  وعايزة حقي

عرضت فضائية (العربية) تقريرا مصورا عن فتاة تدعى ياسمين متعب اتهمت ممرضا بالتحرش بها داخل مستشفى شهير بمدينة نصر .

وروت متعب تفاصيل الواقعة عبر حسابها على انستجرام في مقطع فيديو ، متهمة ممرضا بالتحرش بها، اثناء خضوعها لعملية جراحية.

وقالت الفتاة وهي في حالة انهيار :" انا كنت تعبانة وخضعت لعملية، ويوم ما خرجت من العمليات الحد اللي بقى مسؤول عني او اللي بقى معايا في الاوضة بعد العملية هو الممرض .

وتضيف :" معلش انا اسفة لو مش عارفة اتكلم، بعد العملية بـ6 ساعات اتحرش بيا، وطلبت من المستشفى ان الولد دا يتغير ويجيبولي بنت بس الادارة رفضت، قالولي معندناش بنات .

وتابعت :" قانونا المفروض انا بنت ممنوع يكون معايا ولد بس انا طبعا كنت اجهل بحاجة زي دي عشان كان اول مرة في حياتي ادخل مستشفى وانا كنت عاملة عملية زايدة فيها غرغرينا.

موضحة :" تم اعتبار تحرش الممرض بي هتك عرض، واشكر الله كوني استطعت ان ادافع عن نفسي وقتها.

كما اضافت :" بعد التحرش ده قلت الممرض دا مايدخليش الاوضة تاني، الا انه دخل الاوضة 3 مرات.

لافتة :"رصدت الكاميرات قيامه باخراج صديقتي من الغرفة يوم العملية، رغم ان ذلك ممنوع.


وتابعت :" ممرض حاول يغيرلي على الجرح يوم العملية واصلا ممنوع ان ممرض يغيرلي على الجرح يوم العملية.

واكدت الفتاة انها لن تتخلى عن حقها خاصة بعد حصول الممرض على براءة، وقالت :" انا عايزة اي حد يشوف الفيديو ده يساعدني اخد حقي ، انا بجد عايزة حقي .

كما اضافت :" لم احصل على أي حقنة بنج المخدرة بعد انتهاء جراحة الزائدة بـ 6 ساعات، ما جعلني اشعر به بعد ان لامس جزء حساس من جسدي.

كما صرحت بانها تعرضت بعد ذلك لضغوط عديدة من الممرضات بالمستشفى، وقالت :" الممرضة كانت بتيجي تمسك إيدي وأنا نايمة بليل وتقولي: هتتنازلي ولا لأ؟.

واضافت :" كنت خايفة جدا وحسيت اني ممكن اتقتل، مضيفة: "بجد يوم الواقعة ده كان أوحش يوم في حياتي، والمستشفى اللي كنت فيها ده أهانتني والولد ده أهاني وفي الآخر طلع براءة.

يذكر ان تحقيقات النيابة العامة لم تثبت تورط الممرض بأي تحرش.

فتاة تروي تفاصيل مرعبة لتحرش ممرض بها في المستشفى

كانت تخضع لعملية الزائدة.. فتاة تروي تفاصيل مرعبة لتحرش ممرض بها في المستشفى. #العربية_مصر

Posted by العربية مصر - Al Arabiya Egypt on Monday, September 19, 2022
أقباط متحدون
20 سبتمبر 2022 |
×