قالت نهاد أبو القمصان، المحامية ورئيس المركز المصري لحقوق المرأة، مبروك عطية ان لم تعتزل اعتذر ، الدكتور مبرك رجع من الاعتزال يوم واحد وبيقول تشبيه القفه مش اهانة دا فى اللغة العربية (كناية)، مادرستوش باب الكنايات فى اللغة العربية؟ .
مضيفة عبر صفحتها على فيسبوك :" واحب اوضح له ان اللعب باللغة اعتماد على عدم معرفة الناس لا يليق لانى فى فرق بين الكناية والتشبيه وانه لازم يكون تشبيه جميل زى ما درسنا ودا اسمه ( مدح ).
موضحة :" وكناية وتشبيه قبيح ودا اسمه ( زم ) يعنى يا دكتور مبروك ممكن حد يشبه حضرتك (ببحر العلوم ) او ( جردل العلوم ) الاثنين كناية بالمناسبة او حد يقول ( مبروك شكوكو ) دى كناية تتفهم ( راجل دمه خفيف ) مع حفظ المقام ، او ( راجل مهرج ) مع حفظ المقام والاثنين اسمهم كناية.
واختتمت :" مش انت بس اللى درست لغة عربية وركزت فى باب الكنايات يا دكتور اعتذر او اعتزل يرحمك الله.
ومنذ ايام اعلن الدكتور مبروك عطية، عميد كلية الدراسات الإسلامية الأسبق بجامعة الأزهر الشريف، تراجعه عن قرار اعتزال الظهور العام.
وكان جاء قرار اعتزاله الظهور العام بعد الهجوم عليه، واتهامه بالتحريض ضد اي فتاة غير محجبة، حيث علق على واقعة ذبح طالبة المنصورة غير المحجبة على يد زميلها لرفضها الزواج منه، قائلا :" المرأة والبنية والفتاة، تتحجب عشان تعيش، وتلبس واسع عشان متغريش، وغض البصر للرجال المحترمة، انما انتي في وسط وحوش .
واضاف :" حياتك غالية عليكي اخرجي من بيتكم قفة، لا متفصلة ولا بنطلون ولا شعر على الخدود، عشان وقتها هيشوفك اللي ريقه بيجري وممعهوش وهيدبحك.
