قال الكاتب محمد ابو قمر:" التحرش دلوقتي مبقاش مجرد احتكاك فظ بجسد امرأه ، ولا مجرد ألفاظ حقيرة بيقولها أحد المعاتيه لامرأة في الطريق.
مضيفا عبر حسابه على فيسبوك:"التحرش دلوقتي أصبح حاجه تانيه خالص ، من الآخر كده الكلام إللي بيتردد عن لبس البنت ، والكلام إللي بيقوله أمثال الشيخ عبدالله رشدي عن إثارة شعر المرأه لغرائز وشهوات الرجل المسلم لتبرير التحرش بالنساء ، كل ده بيقول إن التحرش أصبح طقس ديني.
وأضاف:"يعني المتحرش وهو بيتحرش بيؤدي طقس ديني زي الإرهابي إللي بيقتل بالظبط، الارهابي وهو بيقتل بيبقي في اعتقاده إنه بيؤدي فريضه دينية للقضاء علي الكفر، والمتحرش وهو بيتحرش بيبقي في اعتقاده إنه بيؤدي فريضه دينيه للقضاء علي مصدر الإثاره الجنسية المساويه في اعتقاده للكفر.
لافتا:"لما نراجع فيديو التحرش الأخير في الأتوبيس هانسمع كلام عن لبس البنت ، وهانشوف الراجل المؤمن أبو سبحه وهو بيتضامن مع المتحرش، وهانشوف موقف جميع ركاب الأوتوبيس من عملية التحرش ، محدش منهم اتحرك ، كانوا موزبهلين وكأن المتحرش كان بيصلي ركعتين .
