غادة عبد الرازق، قالت الفنانة غادة عبد الرازق: "أنا بحب أخبي كسرتي وأختفي، مش بحب حد يشمت فيَّ وأنا عمومًا ست بيتوتية ومختفية طول الوقت بس في لحظة الانكسار بختفى أكتر".
الأمور التي تكسر غادة عبد الرازق
وأضافت خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون": "اللي يكسرني فشل في الشغل أو محاربة أعداء ليَّ ووصولهم لغرض ما أو حاجة تمس بنتي أو أهلي، أو حاجة تشوه سمعتي والخيانة بتكسرني والأزمة المادية تكسرني".
أزمات غادة عبد الرازق المادية
وتابعت غادة عبد الرازق: "أنا زيي زي بقية البني آدمين بتعرض لأزمات مادية لأن التزامات كبيرة أوي وربنا بيدي لكل بني آدم على قد التزاماته، ولما أفشل في العمل يؤثر عليَّ وعلى التزاماتي".
ولفتت:"كنت دايمًا بحاول أثبت لأبويا إني شخصية قوية".
ندم غادة عبد الرازق على دخول التمثيل
وواصلت: "لما كبرت بقيت أكثر ذكاءً وأقل عندًا، وبقيت باخد وقتي قبل أي قرار باخده، عقلي بيغلب المشاعر دلوقتِ، وما بقاش عندي خلق للمحاربة وبقيت اهتم بحياتي الشخصية وبنتي روتانا وأحفادي وعملي، ما بقتش أفكر ولا أخطط في تصفية الحسابات".
واستطردت: "لو رجع بيَّ الزمن ما كنتش هدخل التمثيل، هو فادني طبعًا كتير وحطني في مكانة رهيبة واداني حب الناس بس خد مني حاجات كتير في حياتي أثرت عليَّ".
