صحافة الفضايح دي المفروض إنتهت من زمان .. بهاء حجازي: العرافة لـ «بسمة وهبة» أسخف وأقذر برنامج

هاجم الكاتب بهاء حجازي ، الإعلامية بسمة وهبة مقدمة برنامج العرافة .

وكتب حجازي عبر صفحته الرسمية على موقع فيس بوك يقول :

جائزة أسخف وألطخ وأتفه وأقذر برنامج.. تروح بقلب مستريح لبسمة وهبة وبرنامج العرافة .. بسمة وهبة معندهاش اي مشاكل تقتات على مشاكل الناس.. معندهاش اي مشاكل تخترق اسرار البيوت وتنبش فيها.. معندهاش مشكلة

تشتم سعد الصغير مع بوسي وتقولها هو ليه بيغير منك كدا انا اول مرة اشوف راجل يغير من ست...ووتستضيفه تاني يوم.. سعد يعمل الشو بتاع كل مرة... ودا أبعد ما يكون عن الإعلام.. صحافة الفضايح دي المفروض انتهت من زمان..

المذيع مش جهة تحقيق.. المذيع دوره انه يسأل ويجيب عن الطرف الغائب عملا بحق الرد... ولما تجيب تضيف فانت ضمنا اقريت باحترامه وانه ياخد حقه في الرد.. مش انط في زوره وهو بيتكلم..

في الكلية درسنا مادة عن اخلاقيات العمل الإعلامي وعن الحاجات اللي مينفعش المذيع يعملها.. بسمة وهبة ذاكرت المادة دي كويسة قوي.. وكل الحاجات اللي مينفعش المذيع يعملها هي عملتها كلها.. والمضحك انها دخلت مع مذيع عراقي حرام يتقال عليه مذيع عن المهنية... ومين فيهم مهني اكتر..

فيه لقطة مشهورة لاحمد زكي وهو بيخلع المايك ويرميه لمحمود سعد ويسيبه ويمشي... الحركة دي متفق عليها.. لان الحلقة نص ساعة وهما سجلوا ساعة.. فحبوا يقفلوا قفلة حراقة.. فالحركة دي بقت بسمة وهبة تعملها يوميا علشان نكتب عنوان سوشيالي حراق.. شاهد سعد الصغير يترك الاستوديو لبسمة وهبة ويصفها بالشيط**انة وخرابة البيوت...