تداول رواد مواقع التواصل الاجتماعي، منشور يتضمن رسالة من أم تلميذ، انتقدت خلاله كل ام ترسل ابنها للمدرسة بـ"لانش بوكس - صندوق حفظ الطعام" يحتوي على اللحم والمكرونة والكبدة والدجاج المشوي، وكانه ذاهب في رحلة، ولم يقتصر الامر على ذلك فهناك من تضع لطفلها محشي.
وجاء بنص المنشور المتداول :
السلام عليكم يا أمهات انا بنزل المنشور ده كأم مصريه وهتكلم فيه عن شيئ أستفزنى جدا ولانى عصبيه هحاول متكلمش كلام يزعل حد هتكلم عن اللانش بوكس اللى بقى حاليا عباره ان واحده بعته ابنها رحله عباره عن مكرونه ولحمة وكبده وجلاش لا ووصل كمان للمحشى والفراخ المشويه وبط محطوط فى سولفان.
انا عايزه افهم انتى ايه ولازم الموزه او التفاحه كديكور انا مش فاهمه ليه كدا الفصل حاليا فى 120 طالب منهم 80 طالب داخل الفصل بسندوتش فول وطعمية الناس بقت تحت خط الفقر ياريت تحسوا بالغلابه شويه ذنبه ايه طفل يشوف ابنك بيأكل الاكل ده ويروح لأهله يطلب منهم وفى ناس معدومين عاملين جمعيات علشان ملابس المدارس .
حرام عليكم بجد اللى بنشوفه ده كفايه الموزه او التفاحه او المانجا تاكليها لابنك الصبح والاكل الدسم ده بعد المدرسة خليها نرجع تانى للفطار العادى اللى فى متناول الجميع تخيلى غيرك حاطه كباب وبيتزا
لابنها وابنك قاعد جنبه ايه شعور ابنك لما يشم الريحه ويشوف الأكل ده وطبعا متعفف ولو حد قاله كل هيقول شكرا أنا بتكلم بلسان أمهات كتير ساكتين ومش عارفين يتكلموا ياريت ترحموهم شويه وآسفه عالإطاله.
