حالة من السخرية انتابت نشطاء مواقع التواصل الاجتماعي تعليقًا على مستشار المفتي الدكتور مجدي عاشور، الذي اقترح أن يكون الزواج "رخصة"، حيث اقترح في برنامج "رأي عام"
المذاع على فضائية "TeN"، أن تكون هناك توعية للمقبلين على الزواج بعقد دورات تدريبية سواء أكان رجلا أو امرأة، فترة سنة أو اثنين أو تلاتة كما ترتأي الجهات المختصة، وبعد ذلك
من الممكن أن تكون الدورة إجبارية ولن يتم عقد الزواج إلا بعد حصول الشاب والفتاة على رخصة باجتياز دورة المقبلين على الزواج، كي يعرف الطرفان معنى الأسرة ولا يلجأن للطلاق بعد ذلك.
وأثارت "رخصة" الزواج سخرية وتساؤلات نشطاء مواقع التواصل الاجتماعي، الذين اعتبروا الرخصة أمر لا يصير إلا في حالة ترخيص السيارة، ليبدأ بعد ذلك مزاح وسخرية النشطاء على أمر الرخصة، وخاصة بعد أثارت الأمر الفنانة سمية الخشاب معلقة على تويتر بأنها فازت بتحقيق مقترحها الذي طالبت به من قبل.
الزواج برخصة
فقال سالم ولكن: "اهم حاجه قبل الرخصة تعمل تأمين شامل عشان تذبحني الولية عيالي بيقدروا يعيشوا وانا ميت متطمن".
وعلق أوبا ماران "الحمد لله اني اتجوزت".
وسخر عامر العربي قائلًا: "لازم نكون خبرا يعني ولا ايه".
وقال العالمي: الرخصة دي في شروط ليها.. تكون رخصة أولى ولا ثانية ولا ثالثة ولا خاصة؛ طيب يا ترى شرط تكون نقل ثقيل ولا خفيف ولا أي بالضبط عشان ابقى فاهم.
وسخر علاء البغدادي قائلًا: ويا ترى بقى هناخد رخصه الاولى على طول ولا مراحل برضو.
وقال شادي " وأخيرًا فرجت رخصتي درجة ثالثة المهم. ارتحنا من الشقه".
اختبار قيادة للنوع
وسخر عبده بودي: " يعني هنعمل اختبارات عشان نستلم الرخصه".
وعلق عمرو عبد السلام قائلًا: "يعني ايه برخصه؟ يعني هروح اقدم عليه زي الرخصه في السواقه بس في دار الافتاء".
وأضاف محمود السيد:"ودى بتتاخد مخالفه ازاى المدام بتتكلبش؟!!".
وقال محمد سمير: ونجدد الرخصه وندفع تأمينات وضرايب وقومسيون طبي ربنا معانا.
وعلقت هند عبد الحميد قائلة: "وهتجدد كل كام".
تجديد الرخصة
وسخر محمد على قائلًا: "وطبعا هندفع ضرائب وتأمينات ونعمل قمسيون طبي وبراءة ذمة واستعلام أمنى...".
أما أميرة علوي فقالت: " عربيه ولا ايه ونقف علي الشباك وبدور والكلام ده ولا الموظف يقول افحص الاول.. بلاها جواز".
وقال حسين الفنتيري "رخصه خاصه ولا مهنية علشان هيبقى أحجام طبعًا".
وتساءلت دينا محمد: " وبكام ارخصه دي بقي ان شاء الله وهتتجدد كل كام سنه؟".
وقال سمير كمال السري: " رخصة يعني فحص وضريبة وطفاية وشنطة اسعافات ونمر كمبيوتر".
ورد السيد حسني مراد:"برخصه ازاي يعني اقدم واختبر ويا انجح يا اسقط فكره لذيذه".
وسخر إبراهيم الحصري قائلًا: "واللي يجوز اربعة ياخد رخصة درجة اولي".
وقال حسام السرساوي "طب بالنسبه للعروسه لو عملت حادثه هتتغير ولا هتتصلح".
وأضاف عبد الرحمن عرفة: "وهيكون في فحص فني وقياس نسبة العادم المنبثق ونمشي بلوحات معدنية".
ورد محمود عمر " اهه وتدخل علي الكمين الظابط يقولك مش ملزق الملصق علي وشك انت ومراتك ليه".
وسخر طه عبد الله والي: " تانية ولا ثالثه وافرض اتجوزت من هنا والرخصة ضاعت هل فيه بدل فاقد والا لا".
