اعترضت الكاتبة ماجدة سيدهم على قرار مجلس الوزراء بترحيل أجازة عيد شم النسيم من يوم الاثنين الى يوم الخميس وقالت وقالت " لا لترحيل عيدنا المصري العريق "شم النسيم" من يوم الاثنين إلى يوم الخميس واللي بنحتفل بيه من آلاف السنين في اليوم التالي لعيد القيامة واللي ارتبط ارتباط وثيق به منذ القرن الرابع الميلادي .
وأضافت " ترحيله يعني بنفرغ العيد من معناه وخصوصيته عند المصريين وهيفقد بهجة انتظاره بشغف ..ومع الوقت القريب هيفقد الكثير جدا من مظاهر الاحتفال والبهجة لأنه هاياخد شكل الأجازة الحكومية العادية خاصة
وإن فرصه العبث والتحريم هاتزيد جدا ويصبح الخروج للحدائق تضيع وقت وبلا معنى ولمة العائلات على طاولة واحدة مش هدف .. وبالتالي هايتحول ليوم فرصة للستات كالعادة في المزيد من اعمال التنظيف المنزلي المؤجلة.
وتابعت " طيب للعلم المصريبن هايرفضوا وهايحتفلوا بيه في ميعاده يوم الأثنين اللي اتعودوا عليه لانه اصبح لهم طقس وعرف متعارف عليه وبيفرحهم ..*فبلاش العبث بأعيادنا المصرية ..خلو الفرحة اللي باقية في ميعادها .. بلاش تجويد في أعيادنا المصرية القديمة والخاصة جدا
