روى بيتر الخواجة وصديقه عبدالرحمن جمعة، تفاصيل صنعهما مجسم هلال وصليب في أحد شوارع شبرا، احتفالا بشهر رمضان المبارك، وذلك خلال استضافتهما ببرنامج أتوبيس السعادة، المذاع على شاشة قناة dmc، ويقدمه الإعلامي أحمد يونس.
وقال بيتر، احنا بنحاول دايما المنظر يبقى مشرف لشبرا، وتبقى ظاهرة لكل الناس، الهلال والصليب ارتفاعهم 9 متر، وعرض حوالي 3 متر، وبمساعدة رئيس الحي ونائب المحافظ هنحطه في الشارع بحيث الناس اللي عاوزة تتصور جنبه تتصور، منظر يدل على الأخوة الموجودة في شبرا وكلنا إيد واحدة وكلنا مصريين ويارب يعود علينا كلنا بالخير.
وتابع: احنا لازم نفرح الناس ونفرح نفسنا، ولازم نبقى مبسوطين كلنا، طالعين من كورونا ومشاكل كتيرة فلازم نتبسط، السنة اللي فاتت كنا بنقفل في رمضان الساعة 3 الظهر، وبالرغم من كدة حطينا فوانيس لأن رمضان مينفعش غير كدة، احنا بنستناه من سنة لسنة، والناس كانت بتبص على الفانوس وهي حزينة السنة اللي فاتت.
من جانبه، قال عبدالرحمن، احنا عملنا أكبر هلال وصليب في مصر، وعملنا قبل قبل كدة شجرة للكريسماس، طولها 20 متر، وشبرا كانت مشهورة بالشجرة دي.
وواصل: أسعار الفوانيس السنادي متهاودة جدا، عشان نفرح الناس والأولاد، آة الواحد بيكسب بس مش زي الأول.
