القائمة الأقباط اليوم أبحث
أهم الأخبار

عمرو أديب: كل اللى بيكرهوا مصر بيطالبوا بالحرب.. وكسبنا فى ليبيا من غير رصاصة

عمرو أديب: كل اللى بيكرهوا مصر بيطالبوا بالحرب.. وكسبنا فى ليبيا من غير رصاصة
اليوم السابع
| 10 ابريل 2021
أكد الإعلامى عمرو أديب، أن هناك إجماعا من كل الذين يكرهون مصر على ضرورة دخول مصر حربًا فى ذلك التوقيت، مُتسائلاً: "يا ترى الناس دى عاوزة إيه وليه بيزقونا لحرب؟ الناس دى عاوزانا نغرس فى الفخ".

وأضاف "أديب"، ببرنامج "الحكاية" الذى يذاع على قناة MBC مصر: "الناس خدت كلام الرئيس السيسي الأخير عن سد النهضة اللى قال فيها إن كل الخيارات موجودة ورددوه، لكن مخدوش بالهم من كلامه عن الذكريات المؤلمة فى الحرب فى حرب اليمن وحرب النكسة، لدينا رئيس حكيم وعارف بيعمل إيه".

وقال: "إحنا كسبنا فى ليبيا من غير ما نضرب ولا رصاصة، رغم أن معانا الرصاص كله، هى دى القدرة وهى دى قدرتنا على الردع، وأكرر أن الحرب لها وقت وقرار وتوقيت، وكل ده يعلمه الرئيس والإدارة المصرية، أرجو أن الناس لا تنساق ورا الزوحليقة، الناس اللى بتتكلم على الحرب، أنت عارف الأول ده تمنه إيه ولا إيه تبعاته؟ قرار الحرب يا جماعة يتم اتخاذه عندما يكون هو القرار الباقى الوحيد".

وتابع: "الإدارة فى مصر، فاهمة كويس مسئولياتها، الراجل اللى يعرف سعر القمح فى السوق، يعرف سعر الطيارة كام؟، عندنا قائد عارف قيمة الطيار والطائرة اللى بيسوقها".
×