علق الإعلامي عمرو أديب، على القاء الفنان محمد رمضان دولارات في حمام السباحة، معتبرا أن ذلك استفزاز للمواطنين.
وقال "أديب"، خلال برنامجه "الحكاية"، المُذاع عبر فضائية "إم بي سي مصر"،: "أنت مش لاحظ بقالك سنة بتعمل مصايب، والناس اللي أنت استفزتها بتبلع ليك أي حاجة".
وأضاف: "أنت في بلد الناس ظرفها صعبة، ومش أنت بس اللي عندك فلوس، فيه ناس معاها فلوس أكتر منك بس مش بيعلموا كدا.. ليه استفز الناس وليه تكره الناس فيك، أنت داخل على رمضان، بدل ما تتبرع بالفلوس احسن".
وتابع: "الناس اللي استفزتهم هما اللي عملوك.. والناس متضايقة، أيه المانع انك تعتذر للناس"، متابعا: "اللي كنا فاكرينه موسى طلع فرعون، يابني اهدى وارجع لعقلك، ناس كتير أعظم منك وضاعوا في ثواني".
