شايلني دايما طول عمرك
حتي و انا خاطي و مش مهتم
بتصبر دايما عليا ف امرك
عشان شايفني بنسبالك اهم
ببيعك زي يهوذا بخطيتي
و عيونك شيفاني يوحنا الحبيب
ف الشده بس بهتم بأبديتي
و في الفرح ايديا لايدك بتسيب
غاوي افرح بس بعيد
و ناسي ايديك اللي شيلاني
و لما الحزن فيا يزيد
ارجع الومك فيك من تاني
رغم عارف انك بتحبني
مع ان قلبي يارب قاسي
بتقويني لم انحني
بس بنسي سر خلاصي
شايف ايديك بتعمل فيا
وبروحك بتقودني معاك
رغم جمال يارب الابديه
بس الضعف خافي سماك
قويني يارب علشان اعود
حط قوتك جوه ف قلبي
ده العالم طريقه مسدود
نوور عيوني لاراك جنبي
افتح لي من تاني بابك
عشيني من حبك و رضاك
و لما اكون علي اعتابك
امشي و اروح تملي وياك
علمني ازاي اصلي ليك
و اطلب رحمتك علي طول
علمني ازاي اتمسك بيك
واطلب انك تكون مسئول
