قال محمد شعبان، والد المطربة بوسى، إن لديه 4 بنات من زوجة أخرى غير والدة بوسى لكنهن لا يقدرن على مساعدته المادية، مضيفاً:"لا يوجد ود بين المطربة بوسى وأخواتها الأخرين، والحقيقة أنا أعيش فى منزل بالإيجار، أنا أحتاج مصروفات العلاج، ومحتاج 10 آلاف جنيه علشان أركب عداد مياه جديد، وأنا مديت أيدى للناس واستلفت علشان اشترى العلاج، عليا ديون أكثر من 18 ألف جنيه".
وأضاف محمد شعبان، خلال لقائه بتليفزيون اليوم السابع: "أنا أعيش لوحدى بقى لى أكثر من 20 عاما، وأخدم نفسى بنفسى، وأحتاج أموال لأصرف على نفسى علشان أقدر أعيش، أنا أتمنى بنتى تكون أحسن مطربة فى الدنيا وفى النهاية دى بنتى وشايلة أسمى، وأنا بقول لها ربنا يسترها معاكى ويبعد عنك المشكلات".
ووجه محمد شعبان والد المطربة بوسى رسالة لها عبر تليفزيون اليوم السابع، قائلا:" بنتى حنينة لأبعد الحدود، بس فى حد مقوى قلبها عليا، مش عارف ليه بتعاملنى كدة، يا بنتى أنا أبوكى، لو مش عايزة تبعتى لى فلوس ماتبعتيش وربنا يتولانى، أتمنى أنى أشوفها قبل ما أموت، ونفسى أشوفها لأنى بقى لى سنين مقابلتهاش، مش عايز فلوس ولا عايز حاجة".
