تداول رواد مواقع التواصل الاجتماعي منشور لمواطن يدعي محمد جمال يحكي تجربة علاجه هو وأسرته من فيروس كورونا بمساعدة دكتور بيتر صموئيل.
يقول "جمال": "أنا مش هتكلم كتير عن الدكتور المحترم ده (بيتر صموئيل) انا اسمى محمد جمال وكان فى ورقه نازله بأسماء دكاتره للاستفسار عن كورونا وانا كلمت الدكتور ده وتابعت انا واسرتى واخويا واسرته وزميلى فى الشغل دول كلهم انا اللي عديتهم وكلنا كنا بنتابع معاه وخفينا بارشاداته وكلامه المريح نفسيا والعلاج اللي قالنا عليه ماعدا مراتى.
وتابع: "ومراتى تعبت مره واحده فى الفجر وكانت فعلا بتموت ونزلت الصيدليه والدكتور والصيدلى خاف يطلع معايا .. فرنات عليه على دكتور بيتر ورد عليا وبقوله اللي عندها ومش قادره تتنفس وانا بعيط زى الاطفال ومش عارف اتصرف
ازاى قسما بالله العلي العظيم انا اتصدمت انه جالى وعملها جلسه تنفس واداها حقنه سيوله وفاقت ودلوقتى بقيت كويسه ويعتبر خفيت الحمدالله رب العالمين حتى الحقنه اللي جبها مرديش ياخد تمنها شخص لا يعرفنى ولا فى اى حاجه تربطنا".
واختتم "وقت الشدة لازم يبان معدنا الاصيل".
