بمناسبة قرب عيد الميلاد المجيد، تقدم لكم البوابة القبطية ترنيمة بصوت المطربة جوليا بطرس بعنوان "جاي الليلة يسوع" من كلمات نبيل أبو عبدو، وألحان: زياد بطرس.
كلمات الترنيمة:
جاي الليلة يسوع يا هالأرض انحني
صوت الفرح مسموع وعم تضحك هالدّني
والناس سهرانين ببيوتن دفيانين تيوصل يسوع
يا ليل ساكت ليش ما وصل بَعْد الخبر
ناطر إلَك أديش طوّلت كتير السَّهر
والناس سهرانين ببيوتن دفيانين تيوصَل يسوع
شفنا بليلة عيد نور ضوّى بالمدى
سمعنا نَشيد جديد غنُّو نجمات الفَضا
والناس سهرانين ببيوتن دفيانين تيوصل يسوع
يا تَلج بكوانين غطّى عَ كل الدّني
الأطفال فرحانين والهدايا ملوّنة
والناس سهرانين ببيوتن دفيانين تيوصل يسوع
