رد القس جورجيوس القمص فيلبس، كاهن كنيسة الشهيد مار جرجس بمدينة العاشر من رمضان، على سؤال يقول: "ما هو دور الكنيسة في رجوع الضالين والخطاة البعيدين عن الكنيسة؟".
وأضاف في إجابته عن أسئلة الشعب خلال أحد الاجتماعات الكنسية:"أكيد، الكنيسة لو عرفت إن في حد ضال أو بعيد عنها، بتقوم بدور كبير.
لافتا :"لكن وظيفتنا كلنا إننا نقول: "خلي بالك يا أبونا، إن في مشكلة في الحتة الفلانية، أو فلان عنده مشكلة، أو فلان عامل مشاكل كبيرة أوي، والناس بتقول على فلان إنه كذا، وفلانة ليها علاقات مش كويسة، ده دور الناس.
مشيرا :"لأننا في مدينة واسعة وكبيرة ومترامية الأطراف، فدور الناس كلها إن هي تتكاتف عشان نوصل.
لافتا :"لكن ساعات كتير، آخر لقطة في الموضوع ممكن ما تستحسنش استماعك، لكن أنت ما تعرفش إيه اللي حصل قبل كده بمرات كتير.
وتابع :"ساعات الكنيسة بتعمل دور كبير جدا مع حد، مثلا بعيد عن الإيمان، ونبذل مجهود معاه، ونوديه الدير، ويروح من الدير ويجي وتلاقي نفس الغلطات، بنفس البعد، بنفس الشر.
وواصل :" ما تسمعش آخر لقطة من الموضوع لو أنت متضايق من حاجة معينة.
