علق محمود عبد الرازق "شيكابالا"، نجم نادي الزمالك المعتزل، على أزمة إبراهيم سعيد نجم الأهلي والزمالك ومنتخب مصر السابق، وظهوره فيب فيديو مؤثر عبر صفحته الشخصية يتحدث فيه عن تجربة السجن القاسية، بعد حبسه في قضية نفقة.
وقفة إنسانية
نشر شيكابالا صورة لإبراهيم سعيد وهو يرتدي تيشيرت منتخب مصر على صفحته الشخصية بموقع التواصل الاجتماعي،وعلق قائلا: "الكابتن إبراهيم سعيد من أبرز مدافعي جيله، وتاريخه مع الكرة المصرية ما يقدرش حد ينكره. اليوم، وهو يمر بأزمة، مش مقبول نشوف شماتة أو استغلال للموقف للهجوم عليه".
وأضاف: "الأصول بتقول نقف جنب اللي محتاج مساندة نفسية، مش نرمي عليه حجارة. كلنا ممكن نغلط، وكلنا ممكن نعدي بلحظات ضعف.. وبدعي له من قلبي إن ربنا يفك كربه، ويطلع من الأزمة أقوى من الأول".
يأتي هذا التعليق من شيكابالا في وقت يواجه فيه إبراهيم سعيد تحديات وقانونية، حيث أثار ظهوره الأخير في فيديو يعبر فيه عن معاناته خلال فترة السجن تفاعلًا واسعًا بين الجمهور واللاعبين.
كما يأتي تعليق شيكابالا، في ظل توتر العلاقات مع إبراهيم سعيد، بعد فترة من الخلافات العلنية بينهما، خاصة خلال ظهور سعيد الساخر على قناة "النهار"، حيث كان يوجه انتقادات لاذعة للقائد السابق للزمالك.
وظهر إبراهيم سعيد، لاعب الأهلي والزمالك ومنتخب مصر الأسبق، في مقطع مصور يحكي من خلاله تفاصيل الخلاف مع أسرته ودخوله السجن خلال الفترة الماضية.
ونفذ إبراهيم سعيد حكما بحبسه 4 أشهر في قضايا نفقة لابنتيه بمبلغ مليون و100 ألف جنيه، بمجمل 4 أحكام قضائية.
تصريحات قوية من إبراهيم سعيد
وقال إبراهيم سعيد باكيًا بعد خروجه من السجن: "أنا في ابتلاء.. بس سؤال لـ دار الإفتاء إزاي أتعامل مع بناتي اللي حبسوني؟ بناتي جوليا ولي لي عندهم 20 سنة و21 سنة سجنوني.. اللي من دمي حبسوني! ده أنا اللي مطلعلهم البطاقة! شهدوا ضدي في المحكمة".
وأضاف: "بناتي عقوبتهم إيه يا دار الإفتاء؟ أنا عمري ما أذيتهم وشافوا مني كل الحب، أنا مش عارف أدعي عليهم مفيش حد بيدعي على عياله ربنا يهديهم ويسامحهم.. أنا سايبلهم فيلا وعربية وأحسن لبس وأحلى برندات وأحلى مدارس.
وأكمل: أي حاجة بيطلبوها كنت بعملها لأنهم ولاد إبراهيم سعيد وفي الآخر دفنوني 4 شهور بتحريض من والدتهم.. أنا مقهور وربنا ما يكتبها على حد بناتي شهدوا في المحكمة شهادة زور ضدي! وجابوا ناس تشهد زور ضدي بإني عندي 7 فيلات ومرتبي 2 مليون جنيه في الشهر.. أنا لو معايا الفلوس دي كلها هسجن نفسي ليه.
وتابع: كانوا بيطلبوا مني إني أبيع شقة أمي وأرميها في الشارع عشان ياخدوا فلوس الشقة أو أتحبس بس أنا قولت أتحبس ولا إني أرمي أمي في الشارع مع إنها كانت هتوافق عشان أخرج من السجن.. الظلم وحش وربنا كبير والله كنت واثق في ربنا والحمد لله خرجت وربنا نصرني بس أنا عاوز حقي يا مصر من اللي شهدوا زور ضدي.
