اختفت فتاة تدعى مريم مدحت رمزي من محافظة سوهاج، وظهر والد مريم في مقطع فيديو متداول، ناشد فيه الرئيس عبد الفتاح السيسي بسرعة التدخل للعثور على ابنته، وجلست بجواره الأم وهي تواصل البكاء حزنا على ابنتها المختفية .
وقال والدها :" يا مريم يا بنتي إحنا واثقين إنك حية وبخير، وإحنا بنحبك جدًا، أوعي تخافي مننا، أوعي تسمعي كلام حد يخوفك مننا أو يقولك إننا ممكن نأذيكي.
وتابع :" إحنا أبوكي وأمك، وإنتي لحمنا ودمنا، وإحنا بنحبك وعاوزينك ترجعي لحضننا، لحضن إخواتك، وعيلتك، وكنيستك.
كما أضاف :" إحنا بندور عليكي، إنتي أهم شيء عندنا، وهنفضل نستغيث بكل إنسان إنه يساعدنا علشان ترجعي لينا.
وتابع :"أمك بتعيط وهتموت عليكي، إنتِ حتة مننا، إحنا مستنيينك، ارجعي، وأي حاجة ممكن تتصلح.
وواصل :" بناشد المسؤولين يساعدونا، وترجعي لينا بألف سلامة، ما تخافيش لو واقعة تحت أي ضغط، ربنا يحل عنك هذا الضغط.
وتابع :" نستغيث بسيادة الرئيس للتدخل في الموضوع، ونطلب من الأمن الوطني ووزير الداخلية يساعدونا علشان بنتنا ترجع لينا .
