قال الإعلامي والكاتب الصحفي إبراهيم عيسى :" الرئيس الراحل جمال عبد الناصر فيما يخص الاقتصاد، فيما يخص الديمقراطية، فيما يخص فكرة الأحزاب وقصة الحزب الواحد وتحالف قوى الشعب العامل والاصطفاف الوطني، كل ده عبد الناصر ضربه بالرصاص.
واضاف عيسى خلال تقديم برنامج (حديث القاهرة)، المُذاع عبر فضائية القاهرة والناس :"كل ده عبد الناصر اعتبر أنه فشل وانتهى وأن المفروض نغير.
لافتا :"طبعا هو ليه ما غيرش عبد الناصر؟ لأنه كان عنده صلاحيات إله، صلاحيات نبي، راجل كان عنده 100% من البلد، يعمل كل اللي هو عايزه، وكل اللي عايز يقوله بيقوله، وكل اللي عايز يعمله يعمله، ومافيش أي كائن في مصر، صغير ولا كبير، يقدر يقول له لا، ده بعد 67.
وتابع موضحا :" يمكن قبل 67 كان عبد الحكيم ممكن يقاوح معاه شوية، صلاح نصر يناكف معاه،بعد 67 ولا كائن في مصر يقدر يقول لجمال عبد الناصر "بم" ولا يراجعه في شيء، كان عنده صلاحيات إله، إله يتحدث، إله يتكلم، إله ينفذ، والآلهة لا تُسأل !.
