قررت محكمة جنايات القاهرة بالتجمع الخامس، إحالة أوراق المتهم بقتل الطفلة السودانية جانيت بعد الاعتداء عليها، والتخلص من جثمانها بإلقائها في إحدى الحدائق، لمفتي الجمهورية، وتحديد جلسة 8 أكتوبر للنطق بالحكم.
وقال والد الطفلة جانيت، التي لم تتخطَّ الـ 10 أشهر بعد قرار المحكمة: كنت شايل هم كبير جدا على كتفي لكن دلوقتي حاسس براحة.. جانيت كانت بتجيلي على طول في المنام لكن دلوقتي ارتاحت ومش هتيجي بعد ما حقها رجع.
إحالة أوراق المتهم بقتل الطفلة السودانية جانيت لمفتي الجمهورية
ووجهت أسرة الطفلة جانيت الشكر للقضاء المصري بعد عودة حق نجلتها، وإحالة أوراق المتهم للمفتي، حيث قالت: بنشكر القضاء المصري إنه وقف معانا ورجعولنا حق بنتنا، وكنا واثقين في القضاء المصري من البداية ومؤمنين إن حق بنتنا هيرجع.
وتابعت والدة الصغيرة جانيت: حاسة إن قلبي بيتقطع وأنا بفتكر إن بنتي مرت بكل دا ومكانتش قادرة تدافع عن نفسها وأنا مش جنبها، والمتهم مش إنسان إنه يعتدي على طفلة 10 شهور ويقتلها.. ومش مستوعبة لحد دلوقتي إن جانيت راحت ومش معانا.
كما استكملت جدة الطفلة جانيت: كلنا كنا بنتألم على مدار الشهور اللي فاتت ومبسوطين بالحكم النهاردة.
