شهدت قرية المشاعلة التابعة لمركز أبو كبير في محافظة الشرقية، خلال الساعات الماضية، واقعة تعدي عريس على عروسه بالضرب خلال حفل زفافهما بقاعة الأفراح أمام المعازيم، حيث انتشر مقطع الفيديو للعريس وهو يسحب عروسته بقاعة الأفراح، متصدرين التريند على مواقع التواصل الاجتماعي، وسط حالة من الغضب سيطرت على الجميع.
وكشفت الحاجة زينب والدة العريس المعتدي على عروسه خلال حفل زفافهما بالشرقية، تفاصيل الواقعة، حيث قالت إن نجلها يدعى محمد السيد الهادي، وأنهما متزوجان عن سنة حب، مضيفة: كنا كويسين وفرحانين إحنا وأهل العروسة، لكن العروسين كان معمولهم سحر.. وجبنا شيوخ قالوا إن دا سحر كان معمولهم.
وتابعت والدة عريس الشرقية المعتدي على عروسه خلال زفافهما: اللي حصل إننا كنا في القاعة والعروسة كانت لابسة فستان ييجي 30 كيلو مكانش مخليها عارفة ترقص، جه العريس خدها من إيديها ووقعت منه على السلم، ودي اللقطة اللي ظهرت، ثواني فقط، وإحنا وأهل العروسة اتأسفنا لبعض، والعريس والعروسة بعدها رقصوا عادي وجبناها وجينا.
واستكملت والدة عريس الشرقية: عرفوا بعض عن طريق النت، والعروسة من طنطا، وحبوا بعض سنة واتجوزوا.. وكان معمولهم السحر على باب القاعة لأن ابني من أول ما دخل وفجأة لقيته اتغير من محمد اللي أعرفه.. وابني حنين ومفيش أطيب من قلبه.
