أعربت الفنانة بدرية طلبة، عن سعادتها الكبيرة بزواج ابنتها الثانية سلمى، والتي تحتفل بزفافها حاليًا في أحد الفنادق الكبرى بالقاهرة.
وقالت بدرية طلبة في لقائها مع القاهرة 24 من حفل زفاف ابنتها: بقول لبنتي خلي بالك من جوزك ومفيش حاجة اسمها آخد شنطة هدومي وأروح عند أمي، الكلام ده بقى قديم، وأي مشكلة في الآخر بتنتهي، إحنا ناس مبتحبش مشاكل وبنتأنّى في مين اللي جاي لـ بنتنا.
وتابعت: أنا أم محمد وأم أزواج بناتي مش حما، وبقول لجوزها دايمًا خلي بالك من بنتي وحطها في عينك، وحسيت أني كان ورايا مهمة وخلصتها النهاردة.
وعن تفاصيل تعارف ابنتها بـ زوجها، علقت بدرية طلبة: هما كانوا أصحاب وهو كان ضابط اتصال طيران وجه طلبها وإحنا سبناها تشوف وتوافق، وموافقتش بسهولة غير لما باباها يشوفه، العريس لسة جاي من الإمارات قريب لأنه مولود وعايش هناك، وشاف سلمى واتقدم لها.
كما وجهت بدرية طلبة رسالة لجمهورها، قائلة: اللي فرحان ليا ربنا يفرح قلبه، أنا عارفة أنكم بتحبوني، ويا رب اللي أنا فيه وفرحتي والموقف اللي أنا فيه ده تشوفه كل حبيبة بـ بنتها.
حفل زفاف ابنة بدرية طلبة
وظهرت بدرية طلبة وابنتها وعريسها، خلال جلسة التصوير الخاصة بحفل الزفاف، وهي تزغرد وسيطرت ملامح الفرحة عليها، ومن المقرر أن يحضر حفل الزفاف عدد من نجوم الفن.
