علق الكاتب الليبرالي احمد عرفات، على غضب متشددين من الفنان ماجد الكدواني لاكتشافهم انه مسيحي بعد احتفاله بحفل زفاف نجله بالكنيسة، وعلق الكثيرين منهم "دا طلع مسيحي ياخسارة" .
وكتب عرفات عبر حسابه على فيسبوك :" كان الفنان المصري الجميل "ماجد الكدواني"، بيحتفل بزفاف نجله في احدى الكنائس، خبر عادي وهيعدي بمباركة لطيفة عند الناس السوية والطبيعية، المهم لقيت تعليقات كثير من نوعية هو ماجد الكدواني طلع مسيحي، هو إزاي مسيحي، يا عزيزي انت وهو وهي :
الصدفة الجغرافية هي اللي بتحدد معتقدك. انت مش احسن من غيرك ولا محور الكون لمجرد إنه مختلف عنك في المعتقد أخلاقك وإنسانيتك وتعاملك بمحبة مع الآخرين دول اللي بيحددوا مين انت ومفيش حد مستني تهنئتك صدقني.
تهنئتك بتعبر عن انك شخص سوي وطبيعي مش اكثر ولا أقل، وبيها أو من غيرها الفرحة هتكمل والناس هتفرح وهتتبسط دايماً غصب عن أي حد كاره السعادة للآخرين - ألف مليار مبروك.
