كشف المستشار نجيب جبرائيل، محامي اسرة الطفل شنودة، ان فحص (DNA) ، أثبت ان السيدة رانيا فوزى، ليست ام الطفل شنودة ، كما زعمت مريم يوسف في مساعي ليظل شنودة بعيد عن اسرته يعيش في ملجأ.
وقال المحامي والناشط حقوقي شريف رسمي عبر حسابه على فيسبوك :" عارف يعني أيه حد بيكرهك يخوض في شرفك و في عرضك و في سمعتك لمجرد انه بيكرهك ؟!، كارثة ان الحيوان يكون اشرف من الانسان و انه يخوض صراعاته بنزاهة و بأخلاق و بنبل بدون تبلي او ظلم او افتراء، غالبا ربنا بيرد حق المظلوم و بيكشف الظالم بعد ما بيعطيه بدل الفرصة عشرة.
مضيفا :" مريم سمير بعد ما قلبت الدنيا علي دماغ ابو و ام الطفل شنودة و تم نزعه منهم و وضعه في ملجأ بسبب النزاع علي شقة كان طبيعي العالم كله يشوفها شيطان و يهاجمها فبدأت تترنح فاخترعت حكاية جديدة و ظهرت بقصة جديدة و اتبلت علي قريبتها رانيا فوزي و اتهمها انها ام الطفل شنودة من أب مسلم .. راحت رانيا سلمت نفسها للنيابة و عملت تحليل DNA لتثبت للعالم مش بس براءتها لكن تأكد ان مريم شيطانة حقيقية.
لافتا :" من واقع كل المداخلات و الفيديوهات اللي شوفناها اتضح ان كل القرف ده بسبب الفلوس و الورث و الشقق .. الاهل بياكلوا في بعض و بيجرسوا بعض و اصبحوا اسوأ مثال في الكون لتصدير صورة سيئة عن الجميع.
وتابع :" عموما و بدون اي شماتة لكنه العدل الالهي اهلا بيكي يا مريم في السجن مدة طويلة بتشكيلة تهم معتبرة التهمة الاولي القذف و التشهير بقريبتك رانيا والتهمة التانية تكدير السلم العام و سوء استخدام وسائل التواصل الاجتماعي و التالتة تهمة اثارة الفتن و نشر اخبار كاذبة .. و ده درس لكل ظالم ان عقوبته من نفس جنس العمل .. اما الطفل شنودة فله الله.
