قالت الفنانة مي سليم، إنّها رفضت مهاجما هدافا بالنادي الأهلي لأنه أصغر منها 10 سنوات، موضحةً: «دي معلومة محدش يعرفها خالص، شيخ العرافين عرف منين؟! إلا بقى لو أختي ميس بتسرب لك معلومات أو بترشيها».
وأضافت «سليم»، خلال حوارها ببرنامج «العرافة»، مع الإعلامية بسمة وهبة، على قناة المحور: «أنا مرتبطة بحد من الوسط الفني وبيقولوا له يا دكتور، وممكن تبقى الجوازة التالتة»، لترد عليها بسمة وهبة: «اتشطرتي جدا واتغيرتي تماما».
وأوضحت «سليم»، إنّ الفنان محمد رجب غضب منها وحظرها على مواقع التواصل الاجتماعي، بسبب مسلسل ضربة معلم.
وقال لها «شيخ العرافين»: «الفنانة لوسي مش بتحبك وقالت لك في مسلسل ولي العهد أنا مبحبكيش»، واعترفت مي سليم بصحة الواقعة، قائلة: «ازاي عرفت كل ده؟! دي من سنين، دي جامدة أوي، كانت واخدة موقف جامد مني ومكنتش حباني، وسألتها ليه مش بتحبيني، قالت لي آه مش بحبك أنا بحب أختك، دمك تقيل على قلبك، فقلت لها أنا بحبك ومبسوطة أوي إني بشتغل معاكِ، وبعد كده صعبت عليها وبدأت تتكلم معايا».
