وجهت السيدة امال ميخائيل ، والدة الطفل شنودة بالتبني، رسالة له بالدموع ، في اطار نظر قضية الطفل اليوم السبت 3/18.
وقالت ميخائيل في تصريحات خاصة لموقع (الاقباط متحدون) :انا مسيبتكش يابني، انا عمري ما اسيبك لحظة واحدة، صدقني غصب عني.
مضيفة :" لو بايدي احطك جوة عنيا ، انا مش عارفة اعمل ايه، نفسي تبقى في حضني وماسيبكش لحظة واحدة.
لافتة :" ربنا يسامح كل اللي عمل فينا كدة انا مقدرش استغنى عنك ياشنودة انت كل حاجة ليا في الدنيا انت عنيا وقلبي وكل حاجة ليا يا شنودة.
وكانت شهدت محكمة القضاء الإداري بالدقي،صراخ وعويل السيدة امال ميخائيل والدة شنودة الطفل شنودة بالتبني، وبكاء زوجها بمرارة ، حيث قررت المحكمة تأجيل قضية الطفل لـ 18 مارس.
وشغلت قضية شنودة الطفل شنودة الراي العام في مصر وفي الخارج ، واغضبت الملايين، حيث تم ابعاده عن الزوجان المسيحيان اللذان قاما بتربيته بعدما عثر عليه رضيعا داخل كنيسة، وايداعه في ملجأ واعتباره مسلم بالفطرة.
