بهدوء كده وببساطة تعالوا نعرف الاجابه وليه الاختلاف ده ...
_تاريخ ميلاد المسيح غير محدد في الكتاب المقدس
كان يوم ايه بظبط و لكن المعروف اكيد انه كان شتاء ...
لذلك تم الاتفاق في مجمع لاباء الكنيسة عام 325 م
علي ان يكون الاحتفال يوم 25 ديسمبر
بالتقويم الروماني الموافق 29 كيهك في التقويم القبطي.
_ اختيار اليوم ده عشان ده اطول ليل و اقصر نهار
اللي بعده يبدأ يطول النهار و يقصر الليل
كرمز ان بميلاد المسيح يبدأ يقصر الليل (الظلمة)
و يطول النهار (النور) لان المسيح هو النور و الحق.
_ في سنة 1582 م اكتشف العلماء خطأ في حساب دورة الارض
حولين الشمس (السنة) بحوالي فرق 10 ايام ...
بساطة يعني المفروض كنت تصحي الصبح
تلاقي انهاردة 5 اكتوبر مثلا ..
قالك لا انهاردة هيبقي 15 اكتوبر عشان كنا حاسبين غلط
_ و بناء عليه تم تعديل التقويم الروماني
و اصبح اسمه التقويم الغريغوري
(علي اسم الراجل اللي اكتشف فرق الايام) .
و لم يتم تعديل التقويم القبطي
_ بناء عليه يوم 25 ديسمبر لم يصبح موافق ل 29 كيهك
_ فضل الاقباط (الكنيسة الشرقية)
متمسكين بالاحتفال يوم 29 كيهك
الموافق حاليا 7 يناير اما الغرب فضلوا علي يوم 25 ديسمبر...
طيب إيه الفرق بين رأس السنه و الكريسماس !
- مبدئيا رأس السنة دي مناسبة ... بيحتفل بيها كل البشر بغض النظر عن ديانتهم ... Happy New year
- اما العيد بقي فهو ال Christ-mass اي عيد ميلاد المسيح ...
كلمة Christ يعني المسيح و كلمة Mass
هي تجمع المؤمنين للصلاة
Merry Christmas & Happy New Year️
د. أمير فهمى زخارى المنيا
