قال الشيخ خالد الجندي، عضو المجلس الأعلى للشئون الإسلامية، إنه حذر من سفهاء فتاوى الجن والأعمال والمقابر والبنوك وأثبت الواقع ما حذر منه.
ووجه خالد الجندي، عضو المجلس الأعلى للشئون الإسلامية، خلال حلقة اليوم من برنامجه، لعلهم يفقهون، والمذاع عبر فضائية dmc حديثها لبعض العلماء، قائلا: هتقول الفتوى بتاعتك هتلاقي ناس بتشتمك وهتلاقي ناس بتقع في عرضك، لو هتتحمل أهلا وسهلا بيك معان، مش هتتحمل وهتنهار، خليك قاعد وقول للناس مواعظ ورقائق وقعد ادعي وقول ويغمي عليك والناس تقول عليك شيخ كيوت أو شيخ لذيذ.
وتابع خالد الجندي، عضو المجلس الأعلى للشئون الإسلامية: إنك تحذر الناس إنها تحترس من كل نصاب دي مشكلة كبيرة، كونك تحذر الناس من كل النصابين والدجالين، اللي بيشيعوا بين الناس العفاريت والسحر والأعمال والشعوذة، والرقية الشرعية، هتتحمل آذاهم وطولة لسانهم، وقلة آدابهم، ولا مش هتتحمل، لو مش هتتحمل يبقى متفتحش الموضوع ده.
وأكمل خالد الجندي، عضو المجلس الأعلى للشئون الإسلامية: كونك تنصح الناس إنها تحط فلوسها في البنوك الحلال، كلها بنوك حلال، وميسمعوش كلام النصابين والدجالين اللي
بيقولوهم إن أموال البنوك ربا، علشان كروش المستريحين اللي جاهزين وعلشان فتاوى السلفية اللي جاية وراء الحدود، وعلشان دول بيقبضوا بالريال والدولار واليورو، مش حاسس
بمشكلتك قاعد بس مستني علشان حضرتك تخش في الحيطة، ويتخرب بيتك، فيهددك بآيات الربا اللي مش نازلة في البنوك، دي نازلة في حاجة اسمها ربا الجاهلية، اللي الرسول حرمه في حجة الوداع.
وأردف خالد الجندي، عضو المجلس الأعلى للشئون الإسلامية: أنا بقا أتحدى لو واحد منهم قدر يشرح الفرق بين ربا الجاهلية وربا الفضل، ويدجلوا عليك بحديث، والحديث ده مش حديث نبوي أصلا، ويقولك كل قرض جر نفعا فهو ربا، هذا دجل وبيكذبوا عليكم علشان ياكلوا فلوسكم ويضيعوكم ويخوفوكم.
وواصل خالد الجندي، عضو المجلس الأعلى للشئون الإسلامية: إذا عندك استعداد تدخل الملف ده، راجل واستحمل، عندك استعداد تدخل في نصرة قضايا المرأة وتصحيح قضايا الأحوال الشخصية، وإسقاط الأكذوبة المسماة بالطلاق الشفوي، وتتحمل طولة اللسان والنتائج، الله يكون في عونك، ماعندكش استعداد، الضعفاء يمتنعون.
