القائمة الأقباط اليوم أبحث
أهم الأخبار

بمساعدة زوجته.. حسن يحول "تروسيكل" إلى كافيه متنقل بالبحيرة | فيديو

بمساعدة زوجته.. حسن يحول "تروسيكل" إلى كافيه متنقل بالبحيرة | فيديو

نجح شاب في تحويل تروسيكل إلى "كافيه متنقل" بشوارع محافظة البحيرة نظرا لظروف المعيشة الصعبة التي يمر بها في الشهور الأخيرة، ولم يكن الأمر سهلًا في البداية ولكن عمل "حسن" صاحب 30 عامًا جاهدًا للبحث عن مصدر رزق لأسرته ولذا قرر تحويل تروسيكل إلى كافيه متنقل.

حسن يفتح مشروعا خاصا بمساعدة زوجته

في البداية قال حسن: "أنا فكرت ازاي افتح مشروع أو طريقة أجيب بيها دخل، خاصة إنه في فترة انتشار جائحة كورونا مفيش أي مصدر رزق أو شغل، وفكرت في تحويل التروسيكل إلى مقهى متنقل وجهزت الخشب واستلفت فلوس جهاز الأسبرسو من زوجتي وساعدتني التي باعت ذهبها"، متابعا: ربنا يقدرني وارجعه ليها تاني".

شاب يحول تروسيكل إلى كافيه متنقل ليصبح مصدر رزقه بالبحيرة

وأضاف: "الفكرة جاتلي لما الشغل كان واقف عملت كل حاجة على أيدي حتى صندوق الخشب، وحاولت أوفر كل أنواع المشروبات سواء سخنة أو مثلجة لأن الإقبال الناس بيختلف حسب درجة الحرارة وفصول السنة سواء صيف أو شتا وإقبال الناس في فصل الشتاء بيكون أكثر".


وتابع: "بسبب زيادة المصروفات وخاصة بعد الزواج اضطريت ادور علي مصدر رزق او أي مشروع يدخلي فلوس أقدر أعيش بيها واصرف على ابني، ومن هنا فكرت في المشروع وربنا بيكرمني يوم عن التاني".

المشروعات الصغيرة مصدر رزق للكثير من الشباب لتحسين مستوى المعيشة

وأكمل حديثه قائلا: "الرزق دا من ربنا والإنسان عليه السعي ويعمل اللي عليه وبقول لكل شاب يحاول يبحث عن مصدر رزق أو مشروع ليه ويحسن دخله وميعتمدش علي الوظيفة ويفكر أن يطور من نفسه طول الوقت".

وفي النهاية أكد فكرة الإعتماد على النفس والاجتهاد: "نفسي إن ربنا يوفقني وأقدر افتح محل وأكتر ونفسي أن شباب مصر كلها تفتح مشاريع وتعتمد علي نفسها ومتشتغلش عند حد لأن الوقت مش مضمون".

Share On Facebook
Share On Twitter
فيتو
05 اغسطس 2022 |