القائمة الأقباط اليوم أبحث
أهم الأخبار

نورا فريد تكتب بنى أدم متعصب ...

نورا فريد تكتب بنى أدم متعصب ...

مكرهش فى حياتى قد بنى ادم

متعصب لطايفه أو متطرف فى دين

كل كلامه دبش و صادم

يفضل حياته يجادل سنين

يقولك انا اللى صح و مفيش غيري

يقولك اعدل كلامك و امشي معايا ميرى

ياإما يقلب عليك كل الموازين

كمان يعتبرك عدوه

لو ممشتش فى ضله

أو بقيت زى خله


ده مش بعيد تلاقيه مره يطلع لك سكين

يحجر على كلامك

يحور فى سلامك

و المطلوب من جنابك تقوله اميين

عايزة اقوله اهدى احنا بقينا فى القرن واحد و عشرين

كل واحد حقه يؤمن أو يكفر يعبد حجر او حتى بشر

قوللى هتسيطر على مين ولا مين

ده احنا ف عالم كله مثقفين على فيس و تويتر

و على النت باحثييين

مش زى زمان يسمعوك و يقولوا امين

........................................

خدنا ايه من التكفير اللي ملوش اساس

غير القنابل و القتل وضرب الرصاص

و اطفال بريئه تموت بدون احساس

طب قولولى دول ذنبهم ايه يا ناس

................................

عمر ما كان ربنا بيحب لون الدماء

أو يستلذ بصراخ الأبناء والاباء

أو يستحلى بتقطيع البشر أشلاء

انت مضحوك عليك عالج نفسك من الداء

قبل ما ييجي يوم ما ينفعك حتي البكاء

دى الصوره واضحه جدا مش محتاجه ذكاء

ليه دايما جايه منك الضربة خلينا نكون احباء

صلي لربنا الله محبه إليه يكون الالتجاء

ليه تعيش فى كربه و يضيع عمرك هباء

نورا فريد

Share On Facebook
Share On Twitter
نورا فريد
03 اغسطس 2022 |