قدم تلفزيون اليوم السابع تغطية خاصة حول الطفلة رقية، التى تعانى من ضمور العضلات، وتم جمع مبلغ تبرعات لها حوالى 45 مليون جنيه.
وقال الأنفلونسر حسين الجوهرى وصاحب مبادرة جمع التبرعات من خلال لايف على الفيس بوك، إنه لم يكن يتوقع أن يتم تجميع المبلغ بهذه السرعة، مشيرا إلى أن المبلغ المعلن للتبرع هو 45 مليون جنيه، لكن تم جمع ما يتجاوز 50 مليون جنيه خلال حوالى 35 ساعة.
وأضاف خلال التغطية التى أعدتها هدى أبو بكر وقدمتها رغدة بكر، حول كيفية القيام بهذه الحملة والنجاح فى جمع التبرعات "الحملة بدأت لما توجهت والدة رقية لصفحة على السوشيال ميديا، وبدأوا يتكلموا على موضوع رقية، وانتشر بعدها الموضوع على
السوشيال ميديا، والقائمين على الصفحة أصحابى، فاقترحت عليهم عمل لايف لتجميع المبلغ، عملنا كده فعلا وقعدنا 3 أيام فى أوضة على الفيس بوك زى اللى حصل فى الإمارات قبل كده، وكنا خايفين أننا منجمعش الفلوس، لكن اتفاجئنا بعد كده بالأعداد على اللايف".
وتابع حسين الجوهرى "إحنا بدأنا اللايف بـ20 مليون، وبدأنا نقول للناس انقذوا رقية، والناس كلها تكاتفت ودعمت رقية".
وقال الجوهرى "أنا مصدقتش الرقم على الشاشة، احنا طلعنا لايف الساعة 9 تانى يوم الساعة 11 بالليل جمعنا المبلغ، كان فيه تنسيق مع فورى كان بيعمل تحديث كل شوية بالمبالغ التى يتم التبرع بها"
من جانبها قالت نورهان والدة الطفلة رقية خلال مداخلة فى التغطية "اللى حصل ده إنجاز كبير كل الناس مذهولة من اللى حصل، لأنها أول مرة تحصل حاجة زى كده فى مصر، وأتمنى أنها تحصل على طول ونكمل، فيه أطفال كتير محتاجة علاج، زى التوأم عاليا وفريدة، أنا أول واحدة بدعمهم، وأتمنى أننا نعملهم لايف ونجمع لهم التبرعات"
وعن المنشور الذى تم تداوله على الفيس بوك بشأن هروب أسرة الطفلة رقية للخارج بالفلوس، قالت والدة الطفلة رقية "وقت ما نزل البوست كنا فى المستشفى، أنا مردتش على حد بعد البوست ده، بس احنا طلعنا لايف وقلنا احنا مهربناش، كمان الفلوس ديه والحسابات بتكون تحت إشراف وزارة التضامن مفيش حاجة فى إيدينا".
