القائمة الأقباط اليوم أبحث
أهم الأخبار

"الكبير" قالي تعالى أشغلك مستريح.. طمبوشة يعترف بجمع 45 مليون جنيه من أهالي السباعية بأسوان

"الكبير" قالي تعالى أشغلك مستريح.. طمبوشة يعترف بجمع 45 مليون جنيه من أهالي السباعية بأسوان
قال مستريح السباعية بمحافظة أسوان، الشهير بطمبوشة، خلال مقطع فيديو متداول عبر موقع فيس بوك، إن أحد الأشخاص عرض عليه شغل مستريح وأخد منه بطاقته، وعند السؤال عن أموال الناس كان رده: الفلوس جايه بكرة، لكنه كان منتظر يجمع الفلوس كلها ويهرب.
وأضاف طمبوشة خلال الفيديو: اشتغلت يوم 31 في الشهر اللي فات، وتم القبض عليا يوم 10 الشهر دا في محافظة المنيا، وبعدها تلقيت اتصالا هاتفيا من النصاب، كلمني وعرض عليا إنه عايز 45 مليون جنيه، علشان يقدر يرجع 60 مليار جنيه، بعدها جمعت بعض الفلوس ورحت له نصب عليا في الفلوس كلها.

وأوضح مستريح السباعية أنه لم يكتشف الموضوع إلا بعد فوات الأوان، بأنه كان يتعامل مع مجموعة نصابين، موضحا: أنا صاحب مرض، ولم أعرف طعم الأكل أو الشرب بعد الكارثة التي حدثت لي بالنصب على الناس الغلابة.

وأشار مستريح السباعية إلى أن بداية عمله مع النصاب عرض عليه قطعة أرض عند المستشفى بمنطقة السباعية، لافتا: قالي هيبعتلي 2 مليون جنيه كبداية أول شغل، ومبعتش حاجة وفضلت مستنيه لحد ما جمع فلوس الناس الغلابة ومشي.

وناشد مستريح السباعية الجميع بأن يقف بجانبه، من أجل عودة أموال الناس إليهم مرة أخرى، موضحا أنه لم يترك منزله المتواجد به.
القاهرة24
| 14 مايو 2022
..