القائمة الأقباط اليوم أبحث
أهم الأخبار

إلهام شاهين عن أصحاب ولا أعز: مفيهوش لمسة ولا لفظ خارج.. وبنضحك العالم علينا

إلهام شاهين عن أصحاب ولا أعز: مفيهوش لمسة ولا لفظ خارج.. وبنضحك العالم علينا
حرصت الفنانة إلهام شاهين على دعم فيلم أصحاب ولا أعز، بعد الانتقادات اللاذعة التي تعرض لها الفيلم، مشيرة إلى أن مصر في حالة تراجع فكري والفيلم محترم جدا.
وقالت إلهام شاهين خلال مداخلة هاتفية، مع الإعلامي عمرو أديب في برنامجه الحكاية، على شاشة MBC مصر: أنا زعلانة جدًا وإيه الرد ده؟، الفيلم مهذب جدًا ومفيهوش لمسة ولا لفظ خارج، والفيلم كله بيدور على ترابيزة سفرة وبنلعب لعبة، والفيلم مفيهوش حد لمس إيد التاني، إيه المجتمع الملغبط والمنافق ده؟

وواصلت شاهين: اللي بيشوف فيلم على نتفليكس يعني متابع أفلامها، وعامل اشتراك عشان يشوف أعمالها وأعمال الأجانب اللي فيها مشاهد إباحية وناس ممكن تطلع عراة، أنا مش فاهمة مجلس الشعب ماله ومال فيلم لبناني وإنتاجات نتفليكس، واللي مشترك في نتفليكس يعني عارف إنك هتشوف أفلام فيها جرأة.

وأضافت إلهام شاهين: إيه المشكلة إنك تسمع حوار صادم، واللي بيقولوا مش أخلاق المجتمع بتاعنا، مشفوش حالة الشيخ اللي بيعلم بنت صغيرة واغتصبها؟، ولا حالة البنت اللي ابتزوها بصور لحد ما انتحرت، الفن بقى ملطشة هو أنا لو عملت دور تاجرة مخدرات، هيقولوا أني تاجرة مخدرات بجد وهيحبسوني؟

إلهام شاهين: بنضحك العالم علينا

واختتمت إلهام شاهين حديثها: إحنا بنضحك العالم علينا، مصر الدولة الوحيدة اللي بتعترض على الفيلم، ليه العقول دي إيه اللي حصل في مصر، أنا مستغربة من مجلس الشعب والناس دي، إيه الكلام ده وأنا لما جيت قولت هعمل مسرحية قامت الدنيا ومقعدتش، وقبلها اتكرمت في جامعة قالوا ليه والعلماء ميتكرموش، هو في إيه ضد الفن؟، أنا شايفة أننا بنتراجع، إحنا كنا أحسن بكتير.
القاهرة24
| 23 يناير 2022
..