سخر عادل شكل من أداء الفنان هاني شاكر، نقيب المهن الموسيقية، حيث قلده في الغناء، بعد أن سخر الأخير من شكل، في أحد اللقاءات الصحفية، محذرًا إياه من الاقتراب منه.
ونشر عادل شكل فيديو، عبر حسابه الشخصي بموقع التواصل الاجتماعي فيسبوك، قال فيه: ليه بتتنمر عليا؟ زي ما تنمرت عليا، أنا كمان هتنمر عليك وهقلدك، فاكر لما غنيت، أغنية الحلم الجميل والبيت الصغير، كله راح كله اتكسر كله فلوكس.
وتابع عادل شكل: يا هاني يا شاكر في ربنا كبير، بلاش تتنمروا على خلق الله، بعد ثورة 30 يونيو كلنا نزلنا وقلنا السيسي رئيس الجمهورية، وانت كنت نايم في بيتك ومستخبي، ولما الدنيا راقت نزلت بتطبل.
وأضاف عادل شكل: إنت بتقلدني قدام الصحفيين؟ وبتخلي الناس تضحك عليا، أنا كمان هقلدك وهخلي الناس تضحك عليك، وفي قضاء، ولو لجأت للقضاء بالفيديو اللي معايا هلجأ أنا كمان للقضاء وواحدة بواحدة.
أزمة هاني شاكر وعادل شكل
واختتم عادل شكل: زي ما بتعمل أنا باعمل لأنك بتتنمر عليّ، أنا باقولك يا هاني يا شاكر احذرني عشان لساني عِكر، لحد دلوقتي مش عايز أقول كلام إنت ماتعرفوش، وتاريخك عندي يا هاني يا شاكر.
