وجهت الإعلامية لميس الحديدى رسالة إلى الإعلامية إيمان الحصرى والإعلامية أسماء مصطفى وكذلك الإعلامى وائل الإبراشى، وذلك بعد مرورهم بظروف صحية خاصة خلال الفترة الماضية.
وقالت الحديدى خلال حلقة اليوم الثلاثاء من برنامجها "كلمة أخيرة" الذى تقدمه على قناة "ON"، فى رسالتها إلى الإبراشى: "خد حبوب الشجاعة وأنزل تانى، إحنا زى السمك نتحط فى الشغل نتنفس ونعيش، وهو خرج من المستشفى ويتعافى من آثار
كورونا وهو عنده آثار للمرض وإحنا زى المسرح جزء كبير له علاقة بالأداء ومدركة أن وائل متردد فى العودة والعمل ولكن أتمنى أنك تاخد حبوب الشجاعة وترجع العمل لأنه أحيانًا فى العمل الشفاء وهو جزء من حياتنا وكينونتنا وله علاقة برسالة نقدمها".
كما قالت فى رسالتها إلى إيمان الحصرى: عارفة أن اللى عديتى بيه مستحملوش بشر، وهى هتقدر تقوم وتقول اللى حصل وهو شأن لازم تواجهه وهى ناوية ده، وأتمنى ليكى الشفاء وأنك تتخلصى من الكذا عملية اللى جايين، وأنا عارفة إنك قادرة على ده، ليكى ولبيتك والناس اللى بتحبك".
تابعت لميس الحديدى: رسالتى الثالثة لأصغر الزملاء عمرًا ممن ذكرتهم، وهى أسماء مصطفى التى تتعرض لمرض شديد وتجربة مريرة وصعبة وأنا عارفة إنك هتعدى وعندك الإيمان والقوة علشان ولادك وزوجك وحبك للحياة والعمل، ويارب أرجع سبتمبر أشوفهم على الشاشة لأنهم وحشونى أوى".
